من الشعر الشعبي الجزائري ..!

بدون اطالة هي كلمات جزائرية ارجو ان تتمتعو بها
مكتوبي بعيد بصح عينو ما تغيب ... عليا دايرلي عساس على الباب ... باش ميطمعوش فيا ... انا بعتلو قلبي يحرسو ويخليه ليا ... الله ...الله ...الله تدوم المحبة بيناتكم>


سارة يا سارة يا كحلة لعيون وين ماتكوني نرسلك مرسول ادا كنت >


بحر نرسلك عوامة وادا كنت فالسماء نرسلك حمامة وانت يالشابة >نديك غير انا ... ان شاء الله نكون من نصيبك ...
>


جعلولتي عالية في راس الزيتونة انا و لسمر متفاهمين والناس حسدونا خمسة في عينيكم يااللي ماتحبونا ... الله يحفظكم من العين ... و يخليكم ديما زاهيين>



قولوا .. قولوا .. و القول مايعنيكم .. انا اديت الخمري و عشرة في عينيكم>



سفيري يا سفيري يامعجوبي في الكاس نحبك واش راحلي فالناس ...>



ياالليل ياالليل وانا تحت طاقتها ... نتفرج على النجوم ونسمع ضحكتها ... والله منخرج من هدي البلاد غير على جال محبتها>





اردفت الرمل وحطيتو في حجري خرجتلي الموجة تجري قالتلي يفرج ربي ان شاء الله>


لميت حب الرمان وعملتو عقد في الرقبة وزدت معاه المرجان وبضواه السعد ازيان وبالفصال بنيت فيه
مالك يامالك ماينفع غير الصح ومول النية هو اللي يربح>


>


شجرة الياسمين تزعزعت بالعاني ... على كحل العين ماجاني قالي لنل مارحت ماخليتك وانا موحال نلقى متلك.>





نحبك قد لعسل وحلاه ... وقد الدهب وغلاه ... وقد السماء وعلاه ... روح ياطير وصل سلامي للزينة في اوراق التشينة قوللها مازالك فالقلب ديما... ربي يدوم المحبة بيناتكم بالصحة و الهناء>


>


جايز على بابنا ينقي اللارنجة اعمل >روحوا عشر وقعد على الدرجة وقلتلو ياشاب اش تكون انت >


قالي ... انا محمد وليد العلجة ... الوجه كي القمر والفم بالفلحة ... اصبر شويا والله يكون معاك...>


>


الزين يا الزين ربي عطاك طبيعتك حنينة وكحل العين واتاك وردة في جبينة في يد اللي خداك ...>


يحفظك من العوينة ويخليك للي بغاك>



عندي صندوق ... والعشق مفتاحو...كي ضرب ريح الغرب تقرقبو >


الواحو ... نمشي لجنان الحب ونشم تفاحة... التفاح ماناكلوا نحمر خدودي بيه ... والشيخ ماتاخدوا في قاع البحر نرميه ناخد شاب صغير جميل نصبر قلبي بيه...</


يانجمة النجوم راكي ضاوية وحدك في السماء راه يجي ولد الحلال اللي يخرجك من كل الهموم ويسقيك الماء..>




قطعت اللحم وعرفت عبارو سمعت الكلام وعرفت من قالو السبع في دارو الكلاب نابحة ومادرت والو..



بركاك ياقلبي مالبكاء واضحك لزمانك وأفرح بشاير الخير طلت...وربي رد اللي كان راح وكي اليوم يزيان سعدك وتفوزي بسيد الملاح....




قعدت تحت نافدتها وسمعت ضحكتها واش اداني لديك البلاد ... لوكان ماشي محبتك ياالبنينة
جزت على سيد الملاح لقيت الناس ... رقود تنفســت الدالية واطلع العنقود والنجوم قالت تكشف والعمر قال دنوب اصبر ياقلبي وكل شيء بالمكتوب


<


الا انت بحر انا حوت فيك والا انت جنان انا وردة فيك والا انت تبغيني انا نموت عليك..
لوصبت القمرة انفرشها للحبيب ونقول للوردة الحمرا ليه تدي وتجيب ... تطفى هاد الجمرة اللي حرقت لقليب اللي يسمع الكلام الغير مايعيش مهني...





سقاني من كاس الدهب خلالي كية فالقلب والله اللي ماامن الحب


يطول الزمان ويجرب ..


>


لميت المسك والعنبر واسقيت بيه صحابي اخرجت نطل بر فالحين جاو خطابي من بعد طول الصبر حن عليا ربي ...





مشيت للجنان غرست وردة مسكية واش نعطو للمريض خوخة ولا رمانة واش نعطيلو لذاك الشباب وردة ولا غزالة يعيا يحن لحنين ويفرج مولانا..





قلبي في نار الحب مكوي ... يايما شوفي ماصار بيا طاك الزين >





حنة ياحنينة يامعطرة ... بروايح الجنة ... جيتي في كتاب السيرة والسنة اللي يحني بيك يديه يتهنى>


عندي طفلة شعرها عكري اللي يخطبها يجيني بكري ... ولي عندو >
>المال يديها ... واللي معندوش يبقى يشوف ...




هبطت لقاع الجنان صبت جماعة قعود تزعزعت الدالية وتنهد العنقود انطق القمر وقال نكشف قالو النجوم مدنوب حتى الحال على حالوا


وكل شيء بالكتوب..





حمامة فوق السور تغني وتنادي ... اتقول يااهل الدور دلوني على الغادي بركاه من ماء البحور يرجع ويشرب ماء بلادي .....



العين تشوف والقلب يتمنى والدار كاينة والعجوز تسنى قوليلي


ياحبيبتي القلب فيك راه يستنى...


>


عيني في عين الحبيب واللسان حاشم تمنيت ندير الحنة ونزيد الخاتم....


زرعت قدام بابكم زريعة القصبر هطي على بنتكم اللي كانت تصبر... بنت الحسب و النسب اللي فيها نشكر وكلامي عليها ديما كي العسل....





حبيبك حبـــو والسر اللي بيناتكم اخفيه اداحبك حبوا اكثر والا تركك ماتسأل عليه...</


حليط خيط الدهب وعملت منو خصالي شفت فيه العجب عاد القمر
ايلالي واللي سال على الحب يعرف اللي في بالي والفاهم يفهم...<



ماناكل التفاح نخاف يسمني ... ماناكل القارص نخاف يشيني ... ماناخد الشيخ يولوكان يعجبني ...ناخد طاك الشباب جميل اللي يواتيني...